掃風vs嘔奶之二

今日竟然有點害怕餵奶,其實怕的只是之後o既掃風!!

出奇地,今日竟然俾我聽到天柏嗝氣兩次!!當然仲未去到"萬掃萬嗝"o既地步啦,但比昨日已有點進步了.除左呢兩次驚喜外,當然仍然存在果d失敗o既情況啦,繼續係冇嗝不特止,而且仲嘔奶!!真係唔知要掃佢幾耐,佢先會唔嘔奶!!

老公叫我唔好咁緊張,佢話bb嘔奶,即係佢覺得唔多舒服,所以嘔左咪舒服d羅,係佢自己會調適o既一種方法,我掃過佢,佢唔嗝...都冇佢辦法!!

唉!!做媽咪o既,梗係唔想見到自己個仔嘔奶咁辛苦啦!況且,我會覺得,如果掃得佢好,佢冇理由會嘔架!!!

睇番其他爸爸媽咪o既blog,原來呢個煩惱,係每個新任爸媽必經階段,幾乎每個blog都會記一記!哈,咁都好,我又可以有多d資料參考吓喇!!