1個月大的bb,究竟適合用車仔出街吖,還是適合用孭帶出街呢?
呢個係我今日同族長爭辯左一輪的題目!!
今日天柏滿一個月了,要到健康院打第二針乙型肝炎疫苗,我想試吓自己一個帶他去,所以冇叫奶奶過黎幫手!族長担心我一個人抱佢去,會好"輪盡",所以一定要用車仔,但天柏唔鐘意,佢喜歡抱多d!!因為沿途佢都有少許喊聲!!打完針就喊得仲利害,冇停過,好想我抱佢,但我冇理由放棄架車喎!!雖然架車仔係人地送的!!
下午打俾天柏婆婆,問佢點算好,佢建議我用"孭帶",一來可free對手出黎,二來又可以俾佢有d安全感!所以佢幫我買左條!
之後族長就表示天柏太細,唔可以用"孭帶",其實咁細個人仔,連車仔都唔應該用啦!!設計呢條"孭帶"的公司話初生bb都可以用架喎!!
仍然係一個疑問,因為聖誕節要帶天柏去party,果日族長可能要返工,唔可以同我地一齊出去,佢又唔想我用條"孭帶",但搭車又唔方便用車仔,抱住佢又太辛苦又唔見左對手!!咁點算呢!!
其實我仲未返工呢段日子,總要獨自帶埋天柏落街買野架,抱住佢又點買呢??
1 則留言:
落街買野就不要帶天柏落街喇，叫婆婆睇住先囉。你個B 未打DPT 同小兒麻痺都係少出街為妙呀，呢四個病d 三個月以下的BB 好易中招架。
帶BB 出街，安全至上，就算搭車唔方便，行路要行遠d，我都會推車仔架。天柏仲細，要訓覺架嘛，孭住佢咪訓得唔舒服囉！？
你條孭帶係打直定打橫？打橫都ok o既，打直就唔好喇，等天柏大d 條腰夠力d 先啦。
發佈留言