用舊曆計算,天柏21/12/06滿月,用西曆計算,他22/12/06(冬至)滿月,既然咁啱得啱橋,所以咪帶佢去太嬤嬤屋企,俾太嬤嬤見見同順便做埋冬囉!!
收過太嬤嬤的金牌仔後,佢就好安心咁zzzzzzzzzzzzzzzzzzzzz.......................到走都未醒!!
22/12/06亦係返健康院見姑娘同打針嘅日子,嘩!!1個月咋,佢就重左2lb喇!!
出世時--3.225kg 頭圍--33.5cm
22/12/06--4.2kg 頭圍--37.9cm
姑娘話佢屬於中碼bb.
2006年12月22日星期五
車仔vs孭帶!!
1個月大的bb,究竟適合用車仔出街吖,還是適合用孭帶出街呢?
呢個係我今日同族長爭辯左一輪的題目!!
今日天柏滿一個月了,要到健康院打第二針乙型肝炎疫苗,我想試吓自己一個帶他去,所以冇叫奶奶過黎幫手!族長担心我一個人抱佢去,會好"輪盡",所以一定要用車仔,但天柏唔鐘意,佢喜歡抱多d!!因為沿途佢都有少許喊聲!!打完針就喊得仲利害,冇停過,好想我抱佢,但我冇理由放棄架車喎!!雖然架車仔係人地送的!!
下午打俾天柏婆婆,問佢點算好,佢建議我用"孭帶",一來可free對手出黎,二來又可以俾佢有d安全感!所以佢幫我買左條!
之後族長就表示天柏太細,唔可以用"孭帶",其實咁細個人仔,連車仔都唔應該用啦!!設計呢條"孭帶"的公司話初生bb都可以用架喎!!
仍然係一個疑問,因為聖誕節要帶天柏去party,果日族長可能要返工,唔可以同我地一齊出去,佢又唔想我用條"孭帶",但搭車又唔方便用車仔,抱住佢又太辛苦又唔見左對手!!咁點算呢!!
其實我仲未返工呢段日子,總要獨自帶埋天柏落街買野架,抱住佢又點買呢??
呢個係我今日同族長爭辯左一輪的題目!!
今日天柏滿一個月了,要到健康院打第二針乙型肝炎疫苗,我想試吓自己一個帶他去,所以冇叫奶奶過黎幫手!族長担心我一個人抱佢去,會好"輪盡",所以一定要用車仔,但天柏唔鐘意,佢喜歡抱多d!!因為沿途佢都有少許喊聲!!打完針就喊得仲利害,冇停過,好想我抱佢,但我冇理由放棄架車喎!!雖然架車仔係人地送的!!
下午打俾天柏婆婆,問佢點算好,佢建議我用"孭帶",一來可free對手出黎,二來又可以俾佢有d安全感!所以佢幫我買左條!
之後族長就表示天柏太細,唔可以用"孭帶",其實咁細個人仔,連車仔都唔應該用啦!!設計呢條"孭帶"的公司話初生bb都可以用架喎!!
仍然係一個疑問,因為聖誕節要帶天柏去party,果日族長可能要返工,唔可以同我地一齊出去,佢又唔想我用條"孭帶",但搭車又唔方便用車仔,抱住佢又太辛苦又唔見左對手!!咁點算呢!!
其實我仲未返工呢段日子,總要獨自帶埋天柏落街買野架,抱住佢又點買呢??
2006年12月20日星期三
沖涼記
天柏最初回家的幾日,由<女麻><女麻>沖涼,每次喊個不停...可能仲係細!
之後,老公放假期間,都由佢操刀,起碼都幫佢沖左15日羅,最初都係不停喊,之後好d,冇喊咁耐,但未試過全程唔喊!
前日,開始由婆婆黎!哈,出奇地...全程喊都唔喊,只係落水仍有緊張!最初我以為婆婆幫佢落左個"乖乖咒",等婆婆威番次!昨日又係由婆婆黎沖,都係唔喊喎,唔通婆婆真係落左咒...
今日我同老公自己黎,因為婆婆今日放左假,冇黎!!
............車,全程喊!!!
我地開始知道...應該係同"手勢"有關!!!婆婆沖得真係咁舒服咩!!!我又唔可以話:"等我試吓先!!"
我估...天柏梗係知道第時係由婆婆揍,所以無論點佢都會俾番d面婆婆,等第時有d好日子過!!!
之後,老公放假期間,都由佢操刀,起碼都幫佢沖左15日羅,最初都係不停喊,之後好d,冇喊咁耐,但未試過全程唔喊!
前日,開始由婆婆黎!哈,出奇地...全程喊都唔喊,只係落水仍有緊張!最初我以為婆婆幫佢落左個"乖乖咒",等婆婆威番次!昨日又係由婆婆黎沖,都係唔喊喎,唔通婆婆真係落左咒...
今日我同老公自己黎,因為婆婆今日放左假,冇黎!!
............車,全程喊!!!
我地開始知道...應該係同"手勢"有關!!!婆婆沖得真係咁舒服咩!!!我又唔可以話:"等我試吓先!!"
我估...天柏梗係知道第時係由婆婆揍,所以無論點佢都會俾番d面婆婆,等第時有d好日子過!!!
掃風vs嘔奶之二
今日竟然有點害怕餵奶,其實怕的只是之後o既掃風!!
出奇地,今日竟然俾我聽到天柏嗝氣兩次!!當然仲未去到"萬掃萬嗝"o既地步啦,但比昨日已有點進步了.除左呢兩次驚喜外,當然仍然存在果d失敗o既情況啦,繼續係冇嗝不特止,而且仲嘔奶!!真係唔知要掃佢幾耐,佢先會唔嘔奶!!
老公叫我唔好咁緊張,佢話bb嘔奶,即係佢覺得唔多舒服,所以嘔左咪舒服d羅,係佢自己會調適o既一種方法,我掃過佢,佢唔嗝...都冇佢辦法!!
唉!!做媽咪o既,梗係唔想見到自己個仔嘔奶咁辛苦啦!況且,我會覺得,如果掃得佢好,佢冇理由會嘔架!!!
睇番其他爸爸媽咪o既blog,原來呢個煩惱,係每個新任爸媽必經階段,幾乎每個blog都會記一記!哈,咁都好,我又可以有多d資料參考吓喇!!
出奇地,今日竟然俾我聽到天柏嗝氣兩次!!當然仲未去到"萬掃萬嗝"o既地步啦,但比昨日已有點進步了.除左呢兩次驚喜外,當然仍然存在果d失敗o既情況啦,繼續係冇嗝不特止,而且仲嘔奶!!真係唔知要掃佢幾耐,佢先會唔嘔奶!!
老公叫我唔好咁緊張,佢話bb嘔奶,即係佢覺得唔多舒服,所以嘔左咪舒服d羅,係佢自己會調適o既一種方法,我掃過佢,佢唔嗝...都冇佢辦法!!
唉!!做媽咪o既,梗係唔想見到自己個仔嘔奶咁辛苦啦!況且,我會覺得,如果掃得佢好,佢冇理由會嘔架!!!
睇番其他爸爸媽咪o既blog,原來呢個煩惱,係每個新任爸媽必經階段,幾乎每個blog都會記一記!哈,咁都好,我又可以有多d資料參考吓喇!!
2006年12月18日星期一
掃風vs嘔奶
近日情緒低落,原因係天柏近日食完奶掃完風後都嘔奶!!量仲唔少添!
我開始懷疑自己識唔識掃風,於是翻開12月的媽媽寶寶,睇吓自己有冇攪錯!
天柏就係果d掃極都聽唔到"嗝"一聲o既bb,雖然話唔係個個bb掃風都會"嗝一聲"但起碼掃完唔會嘔奶先吖,佢就唔係喇,掃完15-20分鐘,放番佢落床仔,佢唔夠兩分鐘就會嘔o係張床度!!我試過晒幾個掃風方法,坐o係度掃,抱住黎掃等,情況都係咁尚吓!
試過抱住佢,將佢個頭仔放响我膊頭度,掃掃吓佢嘔奶,仲整左d落個鼻仔度,攪到佢有d遂襯!
依家唯有每次食完奶,掃10-15分鐘風,之後再抱佢10分鐘,覺得佢ok先放佢返床仔!但如果佢要食兩邊的話,呢個餵奶過程,就要花上1個至個半鐘了!!
我開始懷疑自己識唔識掃風,於是翻開12月的媽媽寶寶,睇吓自己有冇攪錯!
天柏就係果d掃極都聽唔到"嗝"一聲o既bb,雖然話唔係個個bb掃風都會"嗝一聲"但起碼掃完唔會嘔奶先吖,佢就唔係喇,掃完15-20分鐘,放番佢落床仔,佢唔夠兩分鐘就會嘔o係張床度!!我試過晒幾個掃風方法,坐o係度掃,抱住黎掃等,情況都係咁尚吓!
試過抱住佢,將佢個頭仔放响我膊頭度,掃掃吓佢嘔奶,仲整左d落個鼻仔度,攪到佢有d遂襯!
依家唯有每次食完奶,掃10-15分鐘風,之後再抱佢10分鐘,覺得佢ok先放佢返床仔!但如果佢要食兩邊的話,呢個餵奶過程,就要花上1個至個半鐘了!!
2006年12月16日星期六
2006年12月14日星期四
2006年12月13日星期三
"猛長期"~是否已完結...今日天柏又有唔同了!
昨日仍覺得天柏處於"猛長期",食奶次數較多外,食的時候還會不斷擰頭,係啜住個乳頭黎扭佢個頭!!而且o係食o既途中,間中會有唔開心--裝哭一兩吓!!其次,每次我幫佢弄開乳頭時(因為佢根本唔係食,而只是本能地享受"啜"o既過程),佢都會好驚咁彈起一吓,我見佢咁樣,咪攬實佢一陣,佢又好似好d!!
昨晚8:50-9:30pm食了一邊奶後,佢就瞓左,一瞓就瞓到今晨4am先叫我地!!都未試過一覺瞓咁耐!今早因為要到健康院見醫生,所以7:45am族長就叫醒佢,8-8:30am又係食左一邊就好似食飽咁,之前都唔係咁!!但因為趕時間,9am要去到,所以我都冇試吓俾佢食埋另外一邊!!
到健康院磅重同度體黃,今日磅佢比出世時重了1lb呀!出世時3.225kg,今日有3.68kg!同時已經冇體黃喇,我好開心呀,起碼知佢食人奶食得飽!!加強我以母乳餵哺o既信心!!
回家後,担心o既事又出現喇!10:15-10:35am佢又係食了一邊之後就好似夠咁,而且仲瞓左!平時佢呢個時候食飽都唔瞓架!!仲一瞓就瞓到2pm先醒,而且係俾族長叫醒!!
我已經開始担心,因為佢好明顯,d小便比平時少,今餐想叫佢食晒兩邊,但佢都係食左一邊就瞓左,餵到埋咀邊都冇開口!!
你話做亞媽有幾多野担心吖,佢係咁食你又煩,佢唔食或者食少左,你又担心.......
族長最後都係果句--人o既本能:肚餓就會食,唔餓就唔食,你又使咩野咁担心呢!!
呢個道理我明白,但見佢d小便少左,你又點解釋呢??唔通你話因為今日天氣凍左,所以好瞓左!!咁咪係羅,凍左即係出汗少左,出汗少左咁好自然小便會多d啦!!佢都唔係!!
好想佢快d瞓醒,餵佢食奶啊!!
昨晚8:50-9:30pm食了一邊奶後,佢就瞓左,一瞓就瞓到今晨4am先叫我地!!都未試過一覺瞓咁耐!今早因為要到健康院見醫生,所以7:45am族長就叫醒佢,8-8:30am又係食左一邊就好似食飽咁,之前都唔係咁!!但因為趕時間,9am要去到,所以我都冇試吓俾佢食埋另外一邊!!
到健康院磅重同度體黃,今日磅佢比出世時重了1lb呀!出世時3.225kg,今日有3.68kg!同時已經冇體黃喇,我好開心呀,起碼知佢食人奶食得飽!!加強我以母乳餵哺o既信心!!
回家後,担心o既事又出現喇!10:15-10:35am佢又係食了一邊之後就好似夠咁,而且仲瞓左!平時佢呢個時候食飽都唔瞓架!!仲一瞓就瞓到2pm先醒,而且係俾族長叫醒!!
我已經開始担心,因為佢好明顯,d小便比平時少,今餐想叫佢食晒兩邊,但佢都係食左一邊就瞓左,餵到埋咀邊都冇開口!!
你話做亞媽有幾多野担心吖,佢係咁食你又煩,佢唔食或者食少左,你又担心.......
族長最後都係果句--人o既本能:肚餓就會食,唔餓就唔食,你又使咩野咁担心呢!!
呢個道理我明白,但見佢d小便少左,你又點解釋呢??唔通你話因為今日天氣凍左,所以好瞓左!!咁咪係羅,凍左即係出汗少左,出汗少左咁好自然小便會多d啦!!佢都唔係!!
好想佢快d瞓醒,餵佢食奶啊!!
2006年12月12日星期二
兩父子
最初,小熊b回家後,由於體黄,所以家人建議用奶樽餵他飲奶,呢個工作主要由族長負責,他亦好享受!
個仔咁專注咁望住自己,聽自己講野,相信係每個父母最開心o既時候,雖然張相影唔到族長o既正面,但我估...佢係笑緊的!!
至小熊b的體黄降至正常,家人又鼓勵我以母乳餵哺,最後我成功了!
餵了兩人母乳後,突然族長同我講了一句酸溜溜的說話:"你餵了母乳後,你抱襯天柏佢都會快d收聲,可能佢聞到你d奶味!!而我抱佢,要氹一陣佢先會收聲!!"
吓!唔係咁到呷醋呀!!!為左公平起見(其實係想佢地維持建立良好父子關係),我同族長共識,日後(族長返工以後),如果可以,我都會留番沖涼同換片o既工作俾佢做,而我,則主要係餵奶!
個仔咁專注咁望住自己,聽自己講野,相信係每個父母最開心o既時候,雖然張相影唔到族長o既正面,但我估...佢係笑緊的!!
好沮喪的一個晚上,得網友媽咪的鼓勵,再次燃起信心!!
小熊b昨日只肯瞓一個晏覺,跟住就到9:30pm先肯瞓,我同族長攪左佢成日,一放低佢冇耐,佢就喊,要我地抱住佢,食完奶唔夠45分鐘,又話肥餓要食!!不斷去滿足佢o既需要的我,終於o係7:30pm有d情緒失控,對住碗飯喊左出黎!!
正抱住小熊b的族長,都唔知顧得邊個,因為小熊b都o係度喊!!
其實我冇咩野事,當刻只係覺得好疲累,因為日頭冇瞓過,又不停餵佢食奶!!突然間諗:"你到底要食幾多餐先肯瞓呢??!!"
族長後黎放低小熊b,過黎安慰我,話個仔一日一日長大,唔會再好似初出世咁,淨係得食同瞓,佢開始要人抱,俾安全感佢,又要聽到我地把聲,要我地同佢玩,用呢d放法黎攞佢需要o既刺激,佢如果繼續淨係識得食同瞓,你咪仲驚!!
聽完佢講,又好似好d!!
之後就收到nikita電話,解釋過我知,個仔可能正處於猛長期--
"至於寶寶突然比以前更加頻繁地哺乳，很多新媽媽都有類似的抱怨：“他怎麽除了吃奶就是吃奶！” 在《育嬰手冊》裏，作者西爾斯醫生說，新生兒頭幾個月裏，總有頻繁哺乳的時候，他將這樣的孩子昵稱爲“馬拉松運動員”。這是因爲他正在經歷一個“猛長期”。一般來說，“猛長期”出現在三個星期、六個星期、三個月和六個月左右。這時嬰兒所需要的養分比較多，他就通過頻繁吸吮來刺激母親製造更多的乳汁。在這種時候，堅持勤餵幾天，一旦乳汁分泌量達到寶寶的要求，他的吸吮自然會降低頻繁程度。"
了解多左,對個仔o既體諒又多左,感覺好了許多啊!!
事實上,我其實應該多欣賞天柏的優點,希望唔會讚壞啊!!由佢返屋企到依家,晚上都肯瞓覺,已經好好了,我聽nikita講佢個仔頭兩個月夜晚都唔肯瞓,要家人輪流抱住,其實真係好辛苦,所以我其實已經好幸福了!!個仔都係日頭要人抱吓o者!!
正抱住小熊b的族長,都唔知顧得邊個,因為小熊b都o係度喊!!
其實我冇咩野事,當刻只係覺得好疲累,因為日頭冇瞓過,又不停餵佢食奶!!突然間諗:"你到底要食幾多餐先肯瞓呢??!!"
族長後黎放低小熊b,過黎安慰我,話個仔一日一日長大,唔會再好似初出世咁,淨係得食同瞓,佢開始要人抱,俾安全感佢,又要聽到我地把聲,要我地同佢玩,用呢d放法黎攞佢需要o既刺激,佢如果繼續淨係識得食同瞓,你咪仲驚!!
聽完佢講,又好似好d!!
之後就收到nikita電話,解釋過我知,個仔可能正處於猛長期--
"至於寶寶突然比以前更加頻繁地哺乳，很多新媽媽都有類似的抱怨：“他怎麽除了吃奶就是吃奶！” 在《育嬰手冊》裏，作者西爾斯醫生說，新生兒頭幾個月裏，總有頻繁哺乳的時候，他將這樣的孩子昵稱爲“馬拉松運動員”。這是因爲他正在經歷一個“猛長期”。一般來說，“猛長期”出現在三個星期、六個星期、三個月和六個月左右。這時嬰兒所需要的養分比較多，他就通過頻繁吸吮來刺激母親製造更多的乳汁。在這種時候，堅持勤餵幾天，一旦乳汁分泌量達到寶寶的要求，他的吸吮自然會降低頻繁程度。"
了解多左,對個仔o既體諒又多左,感覺好了許多啊!!
事實上,我其實應該多欣賞天柏的優點,希望唔會讚壞啊!!由佢返屋企到依家,晚上都肯瞓覺,已經好好了,我聽nikita講佢個仔頭兩個月夜晚都唔肯瞓,要家人輪流抱住,其實真係好辛苦,所以我其實已經好幸福了!!個仔都係日頭要人抱吓o者!!
2006年12月8日星期五
體重!
懷孕第36週時,體重149lb,第37週輕了,有147lb!!
今日已是生產後第17日,今早量體重---128lb,比高峯時輕了21lb!!!太好了!!
試吓可否帶回結婚介指...還差少少,相信過多一個月,我應該可以著回未懷孕前的衫呢...希望!!
今日已是生產後第17日,今早量體重---128lb,比高峯時輕了21lb!!!太好了!!
試吓可否帶回結婚介指...還差少少,相信過多一個月,我應該可以著回未懷孕前的衫呢...希望!!
與天柏獨處的時間
由接天柏回家那日至今,每日都有人陪我一齊照顧他,老爺奶奶,我媽咪,族長...
今日族長需要返公司工作至10pm,我媽咪整好今晚餐飯後,4:30pm便離開了,屋內剩下我和天柏!!感覺有點慌,担心有突發事情是我處理不到!!話晒都係第一次!!
這個星期,天柏多會在4:30-5pm會食一餐奶,之後會瞓到大約8:30-9pm,如無意外,若果他今日的表現與以往一樣,我諗我應該應付到的!!
作為媽咪,我相信本能上就算未試過也得要面對!!
_______________________________________________________
5:45pm天柏終於瞓醒,6-6:45pm餵佢食完奶之後,以為佢會瞓,點知佢鬼打都冇咁精神咁碌大對眼......氹佢瞓又唔制!!!
7pm佢竟然再次張大個口......唯有試吓餵多次,希望佢食完會肯瞓!
太好喇,佢只係食左20分鐘就肯瞓喇!!依以往o既表現,佢應該會瞓到11pm先會醒,到時族長都應該返到喇!!
今日族長需要返公司工作至10pm,我媽咪整好今晚餐飯後,4:30pm便離開了,屋內剩下我和天柏!!感覺有點慌,担心有突發事情是我處理不到!!話晒都係第一次!!
這個星期,天柏多會在4:30-5pm會食一餐奶,之後會瞓到大約8:30-9pm,如無意外,若果他今日的表現與以往一樣,我諗我應該應付到的!!
作為媽咪,我相信本能上就算未試過也得要面對!!
_______________________________________________________
5:45pm天柏終於瞓醒,6-6:45pm餵佢食完奶之後,以為佢會瞓,點知佢鬼打都冇咁精神咁碌大對眼......氹佢瞓又唔制!!!
7pm佢竟然再次張大個口......唯有試吓餵多次,希望佢食完會肯瞓!
太好喇,佢只係食左20分鐘就肯瞓喇!!依以往o既表現,佢應該會瞓到11pm先會醒,到時族長都應該返到喇!!
點解bb咁鐘意伸對手出黎瞓呢!!
接左小b返屋企第4日,發現佢鐘意伸對手出黎瞓,早幾日好凍佢都係咁,今日見佢瞓晏覺,又係咁,我o係度諗:"其實咁瞓都幾辛苦喎,佢對手唔會痺架咩??點解可以維持同一個動作瞓成兩三個鐘架!!!"當然,我緊係冇攪佢啦,攪醒左佢,我就有排先氹到佢再瞓喇!!!
2006年12月6日星期三
瞓覺
每次天柏食完奶,都會喵晒眼咁伏o係我膊頭度好enjoy咁俾我掃風,之後就會好乖好似綿羊咁瞓!!除左早上......最近唔知點解,佢早上食完奶之後就唔肯瞓,眼仔碌碌咁瞓响張床度10分鐘之後就會放聲大喊!我地等佢喊15分鐘後先會抱起佢,之後佢就會唔喊......即係"扭抱"......大鑊!!!跟住我地發現佢唔止扭抱,而且扭眼瞓,要你抱住佢一路拍一路行......氹佢瞓覺!!
今日佢成朝都唔肯瞓,到下就先肯瞓,婆婆話咁都好,起碼佢夜晚肯瞓先啦......
晚上8pm食完奶之後,就瞓到依家都唔起身,鋒叔叔同秀盈嬸嬸叫極佢都唔醒,激死!!!
天柏媽咪
10:40pm
2006年12月5日星期二
給你一個名字
父母為孩子第一份送上的禮物...名字,其實係深思熟慮的,怕名字改得不好,他會不喜歡,怕名字不相襯,會影響到他的將來,怕名字改得太"勁",他...受不起......
原來為孩子改名,真是不是易事!!!曾有同事建議:可請算命師父改啊!!但...改個名字要付出幾千元,我同族長都覺得不值...又怕算命師父給我們所選的,我們不喜歡...
族長家要跟族譜排,到小熊b這代便輪到"天"字輩,所以一定要叫:"天X"...
在好開初時,我們想叫他做--"天朗",希望他永遠都睇得開,放得開,樂觀地去好好享受生命同面對生命中的一切!!但後來家人表示這名字太普通了,不夠特別!!
最後,我在三色台台慶前所出的一期週刋中,將各個藝員的名字都拿來併下!!!
我併了好多個給族長揀,最後我們都一致揀了--天柏!
不算是一個好特別的名字,但都有著我和族長的寄望:希望他可以"常綠,長青,像柏樹一樣,在困難的環境中都可以健康成長,亦要好好享受生命!!"
回想自己,名字是父親改的,相信亦有他對我的寄望--乖巧對待家人,歡欣地生活下去!!我很喜歡,亦喜歡別人稱呼我這個名字,所以我從沒有改英文名!!
至於天柏,若他長大後有需要,便由他為自己改個英文名了!!
原來為孩子改名,真是不是易事!!!曾有同事建議:可請算命師父改啊!!但...改個名字要付出幾千元,我同族長都覺得不值...又怕算命師父給我們所選的,我們不喜歡...
族長家要跟族譜排,到小熊b這代便輪到"天"字輩,所以一定要叫:"天X"...
在好開初時,我們想叫他做--"天朗",希望他永遠都睇得開,放得開,樂觀地去好好享受生命同面對生命中的一切!!但後來家人表示這名字太普通了,不夠特別!!
最後,我在三色台台慶前所出的一期週刋中,將各個藝員的名字都拿來併下!!!
我併了好多個給族長揀,最後我們都一致揀了--天柏!
不算是一個好特別的名字,但都有著我和族長的寄望:希望他可以"常綠,長青,像柏樹一樣,在困難的環境中都可以健康成長,亦要好好享受生命!!"
回想自己,名字是父親改的,相信亦有他對我的寄望--乖巧對待家人,歡欣地生活下去!!我很喜歡,亦喜歡別人稱呼我這個名字,所以我從沒有改英文名!!
至於天柏,若他長大後有需要,便由他為自己改個英文名了!!
2006年12月4日星期一
Feed on Demand
梁醫生話餵人奶最多每次只可以餵30分鐘,即每邊餵15分鐘,寧願小食多餐,同埋"feed on demand",佢喊你就餵佢,食到第3日,開始摸到小熊b的食奶特性:
1.大約兩個鐘要食一次.
2.最好o係食之前換片,一來可以叫醒佢,二來唔會咁容易食完嘔奶.
3.食完一邊可以同佢清潔眼仔,目的除左清潔外,仲可以再次整醒佢.
4.食完兩邊之後,動作要慢,盡量唔可以整醒佢,因為佢會唔肯再瞓.
1.大約兩個鐘要食一次.
2.最好o係食之前換片,一來可以叫醒佢,二來唔會咁容易食完嘔奶.
3.食完一邊可以同佢清潔眼仔,目的除左清潔外,仲可以再次整醒佢.
4.食完兩邊之後,動作要慢,盡量唔可以整醒佢,因為佢會唔肯再瞓.
"食得未呀!!唔好要我等咁耐喎!!"
Nikita上次同我講,newborn baby初時真係好易揍,但到佢第二,三個星期開始,就會變"小魔怪",我同族長開始發現,佢已經逐漸變緊身喇,開始扭抱,要你同佢傾計......
族長決定同佢一齊變身--成為"大魔怪",還以顔色,但實際o既戰略...佢話未諗到喎,見步行步啦!!
2006年12月3日星期日
成功轉型做全人奶媽咪!!
小熊B出世第10日,族長突然問了一個問題:"你泵1安人奶,再補2安奶粉,咁得唔得架!!"
我唔識答呢個問題,所以打左電話去問一路幫襯開o既家庭醫生梁醫生,佢個答案係:"你當呢個時代係古時,冇奶粉呢樣野,佢幾時想食你就俾佢啜就得!!"
^~^......................................................
跟住我打去醫院問姑娘,佢地正常地回答:"得!!"
經過我同族長商討左一陣,決定試o下再俾一次機會小熊b同我自己,10:30pm佢開始想食奶奶,所以我就同佢講:"喇,由依家開始,淨係得人奶咋,再冇奶樽呢樣野喇,食就食,唔食都冇辦法!!你試o下啦,你o係醫院時都識架,你記o下啦,俾心機啦,Aunt Nikita話你唔可以做懶豬豬架,試o下啦,媽媽知你記得架......"
呢句說話我重覆同佢講左15分鐘,當然佢緊係一路喊一路爭扎啦!!但唔知佢係咪真係識聽呢,原本佢對住我擰晒頭架,突然真係識啜呀!!我當時真係開心到飛起,我冇諗過只係用15分鐘就改變到佢,因為我之前試過,就連健康院o既醫生都話好難!!!
個晚總共起身餵左3次奶,不過就用錯左方法,我俾佢啜一邊一個鐘呀!!俾梁醫生鬧,佢話咁樣我唔使3日就唔使再餵,因為實發炎!!之後佢教我飲鮮奶,魚湯,葡萄適,餵之前用暖水沖o下個乳房,bb食緊時可以用手泵o下幫bb食多d!!
我都唔敢咁快話成功,但到今日(出世第13日,即係小熊b食左全人奶2日半),佢都冇再用過奶樽,我同族長都用匙羹餵佢飲水,我相信都叫做成功喇!!我成功教識小熊b食全人奶喇!!!好開心呀!!!依家比較緊張佢d小便同大便,因為怕佢食唔夠,又會再黄番!族長話聽日再帶佢到健康院度o下黄疸!!等我唔使咁担心喎!!
同時我開始知道點解Nikita一直都叫我要試,原來真係方便好多架,佢喊我就俾佢食,唔使好似之前咁,預早半個鐘泵人奶,之後族長又要忙住洗奶樽,減刪好多功夫,族長又可以多d時間休息,又有時間做到自己o既工作,仲可以睇o下報紙添,依家我地o既分工係:我做bb的奶樽,佢做bb的清潔工人--沖涼同換片!!
在此特別鳴謝Nikita同藍mama的精神支持同提供非常有用o既資料,thanks!!
我唔識答呢個問題,所以打左電話去問一路幫襯開o既家庭醫生梁醫生,佢個答案係:"你當呢個時代係古時,冇奶粉呢樣野,佢幾時想食你就俾佢啜就得!!"
^~^......................................................
跟住我打去醫院問姑娘,佢地正常地回答:"得!!"
經過我同族長商討左一陣,決定試o下再俾一次機會小熊b同我自己,10:30pm佢開始想食奶奶,所以我就同佢講:"喇,由依家開始,淨係得人奶咋,再冇奶樽呢樣野喇,食就食,唔食都冇辦法!!你試o下啦,你o係醫院時都識架,你記o下啦,俾心機啦,Aunt Nikita話你唔可以做懶豬豬架,試o下啦,媽媽知你記得架......"
呢句說話我重覆同佢講左15分鐘,當然佢緊係一路喊一路爭扎啦!!但唔知佢係咪真係識聽呢,原本佢對住我擰晒頭架,突然真係識啜呀!!我當時真係開心到飛起,我冇諗過只係用15分鐘就改變到佢,因為我之前試過,就連健康院o既醫生都話好難!!!
個晚總共起身餵左3次奶,不過就用錯左方法,我俾佢啜一邊一個鐘呀!!俾梁醫生鬧,佢話咁樣我唔使3日就唔使再餵,因為實發炎!!之後佢教我飲鮮奶,魚湯,葡萄適,餵之前用暖水沖o下個乳房,bb食緊時可以用手泵o下幫bb食多d!!
我都唔敢咁快話成功,但到今日(出世第13日,即係小熊b食左全人奶2日半),佢都冇再用過奶樽,我同族長都用匙羹餵佢飲水,我相信都叫做成功喇!!我成功教識小熊b食全人奶喇!!!好開心呀!!!依家比較緊張佢d小便同大便,因為怕佢食唔夠,又會再黄番!族長話聽日再帶佢到健康院度o下黄疸!!等我唔使咁担心喎!!
同時我開始知道點解Nikita一直都叫我要試,原來真係方便好多架,佢喊我就俾佢食,唔使好似之前咁,預早半個鐘泵人奶,之後族長又要忙住洗奶樽,減刪好多功夫,族長又可以多d時間休息,又有時間做到自己o既工作,仲可以睇o下報紙添,依家我地o既分工係:我做bb的奶樽,佢做bb的清潔工人--沖涼同換片!!
在此特別鳴謝Nikita同藍mama的精神支持同提供非常有用o既資料,thanks!!
2006年12月1日星期五
叫醒BB的方法
軒爸o既迷幻風筒,我同族長前日試過,果然有效,小熊b的反應同軒軒一樣,但我地停了一會,小熊b又再喊過,原來佢未食飽!!
好多爸媽都話,newborn baby好鐘意瞓,小熊b都一樣,記得o係醫院,我要用起碼半個鐘頭先叫得醒佢食奶,當中比較有效o既方法,除左軒爸o係五個讓嬰兒醒來的方法中外,除開佢d包被都可以叫醒佢,不過我同族長通常都會用彈腳呢招,好見效,但之後一要氹番佢!!
好多爸媽都話,newborn baby好鐘意瞓,小熊b都一樣,記得o係醫院,我要用起碼半個鐘頭先叫得醒佢食奶,當中比較有效o既方法,除左軒爸o係五個讓嬰兒醒來的方法中外,除開佢d包被都可以叫醒佢,不過我同族長通常都會用彈腳呢招,好見效,但之後一要氹番佢!!
"下次最好唔好彈腳板喇,媽咪!!!"
bb的變化好快,繼昨日開始鐘意伸出雙手黎瞓後,今日又有唔同,就係瞓少左同開始要人抱!!
頭先族長帶佢去健康院俾姑娘檢查肚臍,姑娘話條臍帶luck得好好,只要清潔乾淨側邊d老泥就可以,唔使再返去,另外體黄就13度(度額頭),正常,好彩啊!!
本港產婦vs內地產婦
內地產婦數量其係唔少,我生產住院期間,保守估計,10個產婦中有8個係內地客!!
o係餵奶房中,聽到護士姑娘勞氣地用唔咸唔淡o既普通話教佢地餵人奶,我第一次入去餵小熊b時,個姑娘都係用普通話同我講野,我即時同佢講:我講廣東話架!!佢即刻四萬咁口話:咁就好羅!!
我問幫我接生o既姑娘,點解咁多內地產婦o既,我仲以為私家醫院會少d添!!佢答我:因為佢地醫收得唔係好貴(相比其他私家),已經依家o係黄崗仲有架巴士直達愉景新城,咁方便咪吸引到佢地黎羅!!
咁睇黎佢地都係一班富貴內地產婦喎!!不過d公德心就真係差d,o係個廁所入面食煙呀!!
o係餵奶房中,聽到護士姑娘勞氣地用唔咸唔淡o既普通話教佢地餵人奶,我第一次入去餵小熊b時,個姑娘都係用普通話同我講野,我即時同佢講:我講廣東話架!!佢即刻四萬咁口話:咁就好羅!!
我問幫我接生o既姑娘,點解咁多內地產婦o既,我仲以為私家醫院會少d添!!佢答我:因為佢地醫收得唔係好貴(相比其他私家),已經依家o係黄崗仲有架巴士直達愉景新城,咁方便咪吸引到佢地黎羅!!
咁睇黎佢地都係一班富貴內地產婦喎!!不過d公德心就真係差d,o係個廁所入面食煙呀!!
2006年11月30日星期四
終於可以輕鬆地照顧小熊b喇!!
今日老爺同奶奶冇過黎,終於可以好輕鬆咁去照顧小熊b喇!!
族長第一次幫佢沖涼,都有板有眼,小b都好舒服咁,族長為左想我多d休息,所以餵奶,清潔,洗衫等都一手包辦!!
"老公,你真係好喇,多謝你呀!!"
唯一有樣野佢一定要我幫手,就有當發現小熊b賴大便要換片!!佢話佢一聞到大便味,就會想作嘔!!就算o係則邊幫手,佢都要帶住個口罩先得!!
曾經收過一個片段,話d爸爸幫bb清潔便便o既反應都同族長一樣,係咪男人o既味覺容忍度真係差d呢???
族長第一次幫佢沖涼,都有板有眼,小b都好舒服咁,族長為左想我多d休息,所以餵奶,清潔,洗衫等都一手包辦!!
"老公,你真係好喇,多謝你呀!!"
唯一有樣野佢一定要我幫手,就有當發現小熊b賴大便要換片!!佢話佢一聞到大便味,就會想作嘔!!就算o係則邊幫手,佢都要帶住個口罩先得!!
曾經收過一個片段,話d爸爸幫bb清潔便便o既反應都同族長一樣,係咪男人o既味覺容忍度真係差d呢???
luck臍帶!
29/11我同族長帶小熊b到健康院見醫生,可能因為之前我地餓佢餓得太緊要,所以佢o既黄疸又高了少少,不過醫生表示應該係佢食奶食得少,所以先會有咁o既情況,叫我地返去俾番多d奶佢飲就可以,醫生幫佢檢查身體時,突然有舊野"luck"左,啊!!原來係小熊b條臍帶呀!!嘩,我冇諗過我唔使點理佢就可以"luck"架!!太好喇,因為之前聽健康院d護士講,話如果清潔得唔好,會發炎架,到時就比較麻煩!!
醫生檢查小熊b時,話佢樣樣野都OK,眼仔大大,個咀又大,隻腳板仲好大添!!手長腳長,第時應該會幾高,而且比佢出世時重左0.1磅--出世時3.225kg,今日磅到3.27kg都算係咁!!
對我同族長黎講,高唔高其實唔太重要,最緊要係健康快樂咁成長,好好去享受生命o既每個經驗同片段!!
明日族長又會帶佢去健康院喇,不過今次係見姑娘,俾姑娘檢查一o下肚臍同度o下黄疸有冇下跌到正常水平,族長第一次單人匹馬帶佢去街,應該攪得掂的!!!
醫生檢查小熊b時,話佢樣樣野都OK,眼仔大大,個咀又大,隻腳板仲好大添!!手長腳長,第時應該會幾高,而且比佢出世時重左0.1磅--出世時3.225kg,今日磅到3.27kg都算係咁!!
對我同族長黎講,高唔高其實唔太重要,最緊要係健康快樂咁成長,好好去享受生命o既每個經驗同片段!!
明日族長又會帶佢去健康院喇,不過今次係見姑娘,俾姑娘檢查一o下肚臍同度o下黄疸有冇下跌到正常水平,族長第一次單人匹馬帶佢去街,應該攪得掂的!!!
小熊b的表達方式
照顧左小熊b4日,開始摸到期脾性:
1. 食飽奶後一定會笑一兩野!
2.肚餓時會"at at at"咁叫,冇人理佢,佢先會大喊!!
3.當餵佢食奶時,佢一定會"射哩眼"咁望o下邊個餵緊佢!!!
4.洗頭一定會喊,沖涼就會停!!!!
5.今日有少少改變--食飽瞓落床冇耐就"at at at"咁叫,原來佢鐘意將對手fing出黎,唔鐘意我地將佢對手包實,但因為凍,所以要俾佢帶住對手套!
1. 食飽奶後一定會笑一兩野!
2.肚餓時會"at at at"咁叫,冇人理佢,佢先會大喊!!
3.當餵佢食奶時,佢一定會"射哩眼"咁望o下邊個餵緊佢!!!
4.洗頭一定會喊,沖涼就會停!!!!
5.今日有少少改變--食飽瞓落床冇耐就"at at at"咁叫,原來佢鐘意將對手fing出黎,唔鐘意我地將佢對手包實,但因為凍,所以要俾佢帶住對手套!
餵人奶
族長開始放大假,協助照顧我同小熊bb,太好了!!由於家人給予無形壓力,我對住族長喊左幾次,嚇到佢以為我有產後抑鬱!!
我當然冇事啦,不過小熊b自從自己o係醫院,俾姑娘用奶樽餵奶後,就唔肯埋身食人奶了!!28/11晚上6:30pm個餐奶,奶奶表示要佢試o下食人奶,o係我唔係好自在o既情況下(因為俾人睇住餵^~^),小熊b係咁依食左幾口,我冇再迫佢,奶奶俾佢飲左安半水,跟住叫我繼續俾佢食人奶,唔好補奶粉!!
小熊b係我生o既,果然遺傳了一點點的性格--硬頸!!攪左佢成晚,喊又唔理佢,佢都繼續堅持--唔食!!俾奶樽佢,就係咁食!!
29/11我同族長帶佢去健康院見醫生,醫生話佢呢個情況,已經習慣左食奶樽,如果要佢一定要埋身食人奶,就唔可以再用奶樽補奶,要用匙羹遂羹餵!!但佢話好多個好努力o既媽咪,堅持近一至兩個月,都可能唔成功!!!
Nikita知我呢個情況,好好咁主動打俾我,仲同我分享了一d好有用o既意見,多謝你啊!!有個媽媽用左兩個月o既時間,不眠不休咁埋身餵,補奶又用匙羹,仲同家人攪到嗌晒交,最後都成功!餵到全人奶!!我覺得佢真係好叻!我之後同族長分享過,佢就叫我唔好俾大壓力自己,有得餵就餵,冇都有辦法,食奶粉都可以,因為我地o既年代,都係食奶粉大!!
所以我打算按醫生指示,先多d泵奶,希望增加奶量,至於埋身餵...硬頸o既大口仔睇怕佢都係會繼續硬頸,所以我大多會選擇用奶泵!!同時坐月期間,我諗我都想多d休息,經過果晚小熊b肚餓,喊到鬼死咁妻涼,又真係唔係好忍心,話晒"食"都應該o係開心o既情況下進行,族長話既然佢習慣食奶咀,咁如果泵到人奶而用奶樽餵佢又肯食,咁為何要強迫大家做件咁辛苦大家o既事呢!!
另外,多謝藍mama的資料,好有用啊,我會繼續嘗試增加奶量,希望用"奶樽"餵到"全人奶"!!
我當然冇事啦,不過小熊b自從自己o係醫院,俾姑娘用奶樽餵奶後,就唔肯埋身食人奶了!!28/11晚上6:30pm個餐奶,奶奶表示要佢試o下食人奶,o係我唔係好自在o既情況下(因為俾人睇住餵^~^),小熊b係咁依食左幾口,我冇再迫佢,奶奶俾佢飲左安半水,跟住叫我繼續俾佢食人奶,唔好補奶粉!!
小熊b係我生o既,果然遺傳了一點點的性格--硬頸!!攪左佢成晚,喊又唔理佢,佢都繼續堅持--唔食!!俾奶樽佢,就係咁食!!
29/11我同族長帶佢去健康院見醫生,醫生話佢呢個情況,已經習慣左食奶樽,如果要佢一定要埋身食人奶,就唔可以再用奶樽補奶,要用匙羹遂羹餵!!但佢話好多個好努力o既媽咪,堅持近一至兩個月,都可能唔成功!!!
Nikita知我呢個情況,好好咁主動打俾我,仲同我分享了一d好有用o既意見,多謝你啊!!有個媽媽用左兩個月o既時間,不眠不休咁埋身餵,補奶又用匙羹,仲同家人攪到嗌晒交,最後都成功!餵到全人奶!!我覺得佢真係好叻!我之後同族長分享過,佢就叫我唔好俾大壓力自己,有得餵就餵,冇都有辦法,食奶粉都可以,因為我地o既年代,都係食奶粉大!!
所以我打算按醫生指示,先多d泵奶,希望增加奶量,至於埋身餵...硬頸o既大口仔睇怕佢都係會繼續硬頸,所以我大多會選擇用奶泵!!同時坐月期間,我諗我都想多d休息,經過果晚小熊b肚餓,喊到鬼死咁妻涼,又真係唔係好忍心,話晒"食"都應該o係開心o既情況下進行,族長話既然佢習慣食奶咀,咁如果泵到人奶而用奶樽餵佢又肯食,咁為何要強迫大家做件咁辛苦大家o既事呢!!
另外,多謝藍mama的資料,好有用啊,我會繼續嘗試增加奶量,希望用"奶樽"餵到"全人奶"!!
小熊b回家了
11月27日收到醫院來電,小熊b的黄疸下降至10.2度,終於可以回家了!!下午2pm順利回到家,媽媽叮囑我,回到家前要同佢講:"bb,我地返到屋企喇,呢度就係你同爸爸媽媽o既屋企啊!!"(有d好似.....唉,衰野就唔講喇,明就明,唔明就算啦!!)
為左維持黄疸於正常水平,所以將佢每餐食奶時間縮短至每隔3小時食一次,同時,因為我有點咳,所以早前睇了醫生,醫生表示所給予的藥是可以繼續餵人奶的,但奶奶表示唔好,叫我都係食晒d藥先好餵人奶,所以今日全日都係餵奶粉了!!
小熊b今日的生活,都是食飽就瞓,通常都是被叫醒黎食奶,淨係試過半夜3:30am同5am是佢喊我地先餵佢食奶!!
關於開奶粉,奶奶有唔同o既見解,佢o既專業話佢知--要用滾水沖奶粉!!!我之前睇書同埋個奶粉罐都唔係咁講喎,但佢話係咁架,唯有聽從啦!!開了出來,見到個奶樽有d一粒粒o既奶粉,等佢餵晒成支奶兼掃埋風,我再次同佢講,好似唔係用滾水開架,仲俾埋個奶粉罐的說明過佢睇,佢先肯相信!!跟住過左一陣先講,可能以前醫院係預先開奶連奶樽一齊用焗爐烚奶樽,所以會用滾水開奶o羅!!!
^~^....................................................
之後,奶奶又表示,要用和暖水開奶,唔可以溝水開.........我睇書又唔係咁教喎,今次我請教了有經驗o既媽媽,異口同聲表示唔係,朗之媽同Deborah媽都話可以先將煲過o既奶樽"攤凍"d水,等下次開奶時先落已冷卻的水及再加入熱水,咁就得!!得到各媽媽的支持同建議,我決定採用!!!
你好嗎???我就係小熊bb喇!!!
望o下邊個抱住我先...啊!原來係<女麻><女麻>!!
照原燈好疲倦啊,要瞓一陣呀!!
為左維持黄疸於正常水平,所以將佢每餐食奶時間縮短至每隔3小時食一次,同時,因為我有點咳,所以早前睇了醫生,醫生表示所給予的藥是可以繼續餵人奶的,但奶奶表示唔好,叫我都係食晒d藥先好餵人奶,所以今日全日都係餵奶粉了!!
小熊b今日的生活,都是食飽就瞓,通常都是被叫醒黎食奶,淨係試過半夜3:30am同5am是佢喊我地先餵佢食奶!!
關於開奶粉,奶奶有唔同o既見解,佢o既專業話佢知--要用滾水沖奶粉!!!我之前睇書同埋個奶粉罐都唔係咁講喎,但佢話係咁架,唯有聽從啦!!開了出來,見到個奶樽有d一粒粒o既奶粉,等佢餵晒成支奶兼掃埋風,我再次同佢講,好似唔係用滾水開架,仲俾埋個奶粉罐的說明過佢睇,佢先肯相信!!跟住過左一陣先講,可能以前醫院係預先開奶連奶樽一齊用焗爐烚奶樽,所以會用滾水開奶o羅!!!
^~^....................................................
之後,奶奶又表示,要用和暖水開奶,唔可以溝水開.........我睇書又唔係咁教喎,今次我請教了有經驗o既媽媽,異口同聲表示唔係,朗之媽同Deborah媽都話可以先將煲過o既奶樽"攤凍"d水,等下次開奶時先落已冷卻的水及再加入熱水,咁就得!!得到各媽媽的支持同建議,我決定採用!!!
你好嗎???我就係小熊bb喇!!!
望o下邊個抱住我先...啊!原來係<女麻><女麻>!!
照原燈好疲倦啊,要瞓一陣呀!!
2006年11月26日星期日
BB仲未出得院呀!!好掛住呢!!
好艱難地等到1PM,即刻打去醫院問下BB可以出院未,結果好唔開心咁收線,因為醫生話仲未退黄,要照多一日燈!!
族長放工去探BB,護士話今日驗血,黄胆係11.7度,比昨日低左1.8度,都好,有進步,如果一直維持落去,我估聽日應該出得院,但都要睇醫生o既決定!
好想跟族長出去探,但被佢拒絕,我唔開心到喊左!!不過不是豪哭果種,我知道因為我掛住bb先係咁!!真係好想佢聽日返黎屋企啊!!
族長放工去探BB,護士話今日驗血,黄胆係11.7度,比昨日低左1.8度,都好,有進步,如果一直維持落去,我估聽日應該出得院,但都要睇醫生o既決定!
好想跟族長出去探,但被佢拒絕,我唔開心到喊左!!不過不是豪哭果種,我知道因為我掛住bb先係咁!!真係好想佢聽日返黎屋企啊!!
BB真係好叻!!但我地郤要短暫分開啊!!!
4日3夜的分娩旅程,o係25/11/06星期六完結,滿心歡喜地以為可以同小熊bb一齊返屋企,點知醫生話佢"黄"--13.5度,要留o係醫院照燈直至低過10度先可以出院!!個一刻簡直想打死個醫生!!!不過奶奶話佢留o係度都好,因為有人睇住之餘,亦唔使等佢返到屋企先有事!!況且要等到27/11/06星期一先可以去健康院登記,如果26/11/06星期日有咩野事,要行來行去就唔好喎!!唯有聽話啦!!話晒佢呢方面都係專業人事!!
12:30pm入去埋身餵完最後一次奶之後,就睇住姑娘將佢放入個箱度,入去前應族長要求,叫姑娘俾族長抱一抱bb,因為佢出世咁耐,族長都未抱過,淨係睇住我將bb抱近窗俾佢望下!!
之後,我地就幫bb辦理"暫托"手續!!!希望聽日佢可以出院啦!!
講番呢4日3夜的旅程,bb 22/11零晨出世,出世時,我未有太大感觸,因為聞了一輪止痛氣,人有點wing,族長翌日同我講,亞B出世個一刻,佢好想喊,因為佢經驗到,生仔原來好辛苦,可能我實在捉得佢太大力了!
8:30am個餐奶,由姑娘代勞,因為我未瞓醒,我本來12:30pm入去餵佢,但我誤會左以為姑娘叫先入,到我知道時,姑娘已經代我餵左奶粉,所以我到第3餐(4:30pm)先入去埋身餵佢同第一次自己抱起佢,個感覺好特別,佢好似好有feel咁望住我,一聽到我把聲,佢個咀就郁左幾下,好得意,姑娘話佢都未習慣吸啜動作,所以唔係好肯啜,最後補左奶粉!
初時抱佢都有d驚,驚姿勢唔啱會整到佢,但抱抱下,發現佢都幾"硬鄭",只要唔好俾佢個頭fing黎fing去就得,所以都ok!!
之後o既每次餵奶,我都有俾佢埋身食,等我容易d上奶,可能佢已經發現:"點解啜黎啜去都冇野食o既,但之後又一定有"補奶"呢個環節,所以佢都唔係好合作!!!結果...又係補奶粉!!
呢隻仔唔知點解好鬼鐘意瞓覺,每到食奶時間,佢都仍然瞓緊,叫黎叫去都唔醒,我已經學奶奶o既方法,例如脫去佢張被,彈佢手板腳板等,通常都要成30-45分鐘先叫得醒!!!(唔怪得佢咁耐都冇試過攪到我半夜瞓唔到啦,因為原來佢仲懶瞓過我!!)咁就慘喇,因為佢食人奶的意慾唔強,可能已經學習到,會有個好容易o既補奶環節,所以佢咪等羅,結果都會俾佢等到,因為再唔食,又會過鐘!!!
有一餐叫左佢成個鐘都唔醒,最後無端端大喊,原來賴大便,第一次自己換片,都幾好,之後再餵,哈!!今次又出奇地合作喎,但姑娘就唔建議我補奶,佢話唔係下餐佢又唔啜,所以我忍心地,放番佢落床仔!其實我都唔知我有冇奶俾佢食架!!!
越抱得佢多,就越唔舒得放低佢,見佢眼仔祿祿咁望住我,個咀郁郁下,好鬼得意!
望住佢,不其然會睇下究竟佢似晚個多D!佢個輪確、耳仔、個咀同個髮型都似族長,對眼、個鼻同眼眉就似我!唔知一個月之後,佢個樣會變成點呢,要攞番我同族長細個時D相比併下先得!
如是這,我就每4個鐘入去見佢,姑娘話佢係全場喊得最大聲o既bb,24/11開始,我開始谷奶,但同時姑娘話佢開始有d黄,叫我每次俾佢啜完後要補奶俾佢,但補奶後遺症就係佢唔會食人奶!!!咁點算呢!!!
到左8:30pm,俾佢食人奶,佢竟然推開我!!!得個幾日人仔就咁惡!!!所以我決定個餐唔補奶!!結果10:30pm姑娘就call我,話佢叫救命!!!我緊係唔放過呢次機會,話佢知淨係得人奶,唔會有奶粉,結果佢就聽聽話話咁食了1個鐘,到2:45am又食了一個鐘,真係好!!
不過,唔知係咪因為冇補奶,攪到佢"黄",唔出得院呀!!!我有d內疚!!!
12:30pm入去埋身餵完最後一次奶之後,就睇住姑娘將佢放入個箱度,入去前應族長要求,叫姑娘俾族長抱一抱bb,因為佢出世咁耐,族長都未抱過,淨係睇住我將bb抱近窗俾佢望下!!
之後,我地就幫bb辦理"暫托"手續!!!希望聽日佢可以出院啦!!
講番呢4日3夜的旅程,bb 22/11零晨出世,出世時,我未有太大感觸,因為聞了一輪止痛氣,人有點wing,族長翌日同我講,亞B出世個一刻,佢好想喊,因為佢經驗到,生仔原來好辛苦,可能我實在捉得佢太大力了!
8:30am個餐奶,由姑娘代勞,因為我未瞓醒,我本來12:30pm入去餵佢,但我誤會左以為姑娘叫先入,到我知道時,姑娘已經代我餵左奶粉,所以我到第3餐(4:30pm)先入去埋身餵佢同第一次自己抱起佢,個感覺好特別,佢好似好有feel咁望住我,一聽到我把聲,佢個咀就郁左幾下,好得意,姑娘話佢都未習慣吸啜動作,所以唔係好肯啜,最後補左奶粉!
初時抱佢都有d驚,驚姿勢唔啱會整到佢,但抱抱下,發現佢都幾"硬鄭",只要唔好俾佢個頭fing黎fing去就得,所以都ok!!
之後o既每次餵奶,我都有俾佢埋身食,等我容易d上奶,可能佢已經發現:"點解啜黎啜去都冇野食o既,但之後又一定有"補奶"呢個環節,所以佢都唔係好合作!!!結果...又係補奶粉!!
呢隻仔唔知點解好鬼鐘意瞓覺,每到食奶時間,佢都仍然瞓緊,叫黎叫去都唔醒,我已經學奶奶o既方法,例如脫去佢張被,彈佢手板腳板等,通常都要成30-45分鐘先叫得醒!!!(唔怪得佢咁耐都冇試過攪到我半夜瞓唔到啦,因為原來佢仲懶瞓過我!!)咁就慘喇,因為佢食人奶的意慾唔強,可能已經學習到,會有個好容易o既補奶環節,所以佢咪等羅,結果都會俾佢等到,因為再唔食,又會過鐘!!!
有一餐叫左佢成個鐘都唔醒,最後無端端大喊,原來賴大便,第一次自己換片,都幾好,之後再餵,哈!!今次又出奇地合作喎,但姑娘就唔建議我補奶,佢話唔係下餐佢又唔啜,所以我忍心地,放番佢落床仔!其實我都唔知我有冇奶俾佢食架!!!
越抱得佢多,就越唔舒得放低佢,見佢眼仔祿祿咁望住我,個咀郁郁下,好鬼得意!
望住佢,不其然會睇下究竟佢似晚個多D!佢個輪確、耳仔、個咀同個髮型都似族長,對眼、個鼻同眼眉就似我!唔知一個月之後,佢個樣會變成點呢,要攞番我同族長細個時D相比併下先得!
如是這,我就每4個鐘入去見佢,姑娘話佢係全場喊得最大聲o既bb,24/11開始,我開始谷奶,但同時姑娘話佢開始有d黄,叫我每次俾佢啜完後要補奶俾佢,但補奶後遺症就係佢唔會食人奶!!!咁點算呢!!!
到左8:30pm,俾佢食人奶,佢竟然推開我!!!得個幾日人仔就咁惡!!!所以我決定個餐唔補奶!!結果10:30pm姑娘就call我,話佢叫救命!!!我緊係唔放過呢次機會,話佢知淨係得人奶,唔會有奶粉,結果佢就聽聽話話咁食了1個鐘,到2:45am又食了一個鐘,真係好!!
不過,唔知係咪因為冇補奶,攪到佢"黄",唔出得院呀!!!我有d內疚!!!
訂閱：
文章 (Atom)